 |
| Sokrat Jani majtas, Petraq Sotiri djathtas |
Në ato vite të vështira, Prof Petraqi ishte modeli i një specialisti jo vetëm të ditur, por edhe stoik, që nuk ju nënshtrua kurrë sloganeve dhe dogmave të kohës. Ai ishte modeli i një specialisti aktiv dhe shkencëtari të thelluar, që hynte pa frikë në diskutime akademike, por edhe diskutime për probleme të praktikës së prodhimit, për të përballuar kërkesat e kohës.
Ishte i kudondodhur, jo vetëm në auditorë me studentë dhe në ngastrat eksperimentale, por edhe në masivet e vreshtave, në takimet trajnuese me specialistë të rretheve, në ekonomi dhe fshatra të ndryshme të vendit, ku kryhej një aktivitet intensiv bujqësor.
Nuk iu nda asnjëherë motoçikletës së tij “Jawa”, në dimër e verë. Prof Petraqi ishte një përfaqësues i denjë i intelektualit dhe specialistit të shquar të bujqësisë. Bënte një punë të mirë e të thelluar shkencore, jo vetëm si i pavarur por dhe në grupe pune ku shquhej për bashkëpunimin dhe idetë e tij racionale e shkencore.
Për herë të parë Prof Petraqin e kam njohur kur isha student i Fakultetit të Agronomisë në ILB Kamëz, sot Universiteti Bujqësor i Tiranës. Leksionet e Prof Petraqit edhe sot pas 50 vjet na kanë ngelur të ngulitur thellë në mendjen tonë.
E kujtojmë shpesh me shokët e mi ish-studentë. Na bënte shumë përshtypje, stili dhe metoda e mësimdhënies, komunikimi miqësor e i veçantë i tij me studentët dhe respekti i thellë që kishin ata për pedagogun e tyre.
Më vonë me Prof Petraqin u bëmë kolegë dhe miq të mirë.
Prof. Petraqi ka vite që ka dal pension, por kurrë nuk e ka ndalur aktivitetin shkencor dhe kontributin në dobi të vreshtarisë dhe verëtarisë shqiptare.
I uroj Prof. Petraqit jetë të gjatë
marre nga fb 10 maj, 2025
**************
No comments:
Post a Comment