Mall për Vendlindjen.

Më merr malli vendi im, për kroin në brinjë,

Për varret, shtëpinë, Lugjet me trendelinë.

Për një kokër rrush të pjergullës “Debinë”,

Ftonjtë e verdhuar që kundërmojnë avllinë,

Shegët kuqaloshe dhe fiqtë e shkruar zhapëzinj.

Papo, malli më merr…, e më grin,
Për të bilbilit, thëllëzës këngërinë,
Sa bukur ja thonë aty ndaj të gdhirë,

Për gërxhin e Kuspit veshur me dafinë,

Dhe netët hënore me të lumit mërmërimë!

Sa shpejt rrodhën vitet që kur jam larguar,

Kërkund nuk gjeta si ai vend i bekuar,

Gdhihem, ngrysem çdo ditë e më i malluar.

K.  Mosko

Boston, MA