LAJTHIA (poezi)

nga Fuat Memelli

LAJTHIA
-Kushtuar Skënder Kodrës-

Një rrënjë lajthie mori
E mbështolli si fëmi
Në Uster pastaj e mbolli
Te shtëpia, përkarshi.

Ka disa vjet që bleron
Te ky qytet amerikan
Lajthia nga Arza jon'
Sjellë nga një emigrant.

U rrit ajo e hodhi shtat
Më shumë se në vend të saj
Nuk i hodhi pleh, aspak
E ushqeu,me dashuri e mall.

Nën hijen e saj pushon
Poeti që nga larg e solli
I ngjan se Arzën shikon
Sa herë që e ze malli.

Sado diçka të sjellim
Andej nga vendi jon'
Shpirtin dot s'e mbushim
Nga malli ai, pikon, pikon...

Prill, 2016